तूर उत्पादक शेतकऱ्यांना दिलासा, तूर विक्रीसाठी नोंदणीला सुरुवात!

महाराष्ट्रातील तूर उत्पादक शेतकऱ्यांसाठी दिलासादायक बातमी समोर आली आहे. २४ जानेवारी २०२५ पासून राज्यभरात तूर विक्रीसाठी नोंदणी सुरू झाली आहे. यामुळे शेतकऱ्यांना मोठा दिलासा मिळणार आहे. कारण, तुरीच्या बाजारभावात मोठी घट झाल्याने शेतकरी आर्थिक संकटात सापडले होते. तथापि, राज्य सरकारने या समस्येवर उपाय शोधला असून, शेतकऱ्यांना सरकारी खरेदी केंद्रांवर तूर विकण्याची सुवर्णसंधी दिली आहे. तूर विक्रीनंतर शेतकऱ्यांना त्यांचे पैसे लवकरात लवकर मिळावेत यासाठी सरकारने एक विशेष यंत्रणा उभारली आहे. शेतकऱ्यांना त्यांच्या तुरीचे पैसे विक्रीनंतर ७२ तासांच्या आत त्यांच्या खात्यात जमा होतील, अशी व्यवस्था करण्यात आली आहे